Ditën e sotme, u realizua prezantimi i buxhetit për arsmin për vitin 2019, ku i pranishëm ishte dhe kryeministri Edi Rama.
Në fjalën e mbajtur, Rama theksoi se do të ketë thellim të reformave të qeverisë, ku përmendi fakti se do të vijojë mbyllja e klasa kolektive, si dhe siguroi se do të bëhet i mundur sigurimi i transportit për këta nxënës.
Më tej, Kryeministri, foli mbi buxheti e Arsimit, i cili sipas tij, është rritur rreth 66 përqind në 5 vjet, kjo falë reformave të thella.
Kreu i qeverisë premtoi se do të mund të rrisin pagën e punonjësve, e cila do t’i kushtojë shtetit mbi 10 milion dollarë.
Në fjalën e tij Rama njoftoi se do të kemi 940 mësues ndihmës, nga 700 këtë vit.
“Janë shumë më tepër se gjysma e atyre që na nevojiten. Kemi ambicie që të kemi mësues ndihmës për çdo fëmijë me nevoja të veçanta.
Do të 10-shojmë numrin e oficerëve të sigurisë nëpër shkolla. Kishim një projekt pilot me oficerët e sigurisë dhe morëm një përgjigjie pozitive nga prindërit dhe mësuesit. Kemi vënë një buxhet duke adresuar çështjet e sigurisë sidomos tek shkollat më të populluara.
Do vazhdojmë të mbyllim klasat kolektive. Ata që i lanë le të vënë kujën e të thonë që mbyllëm shkolla. Jo, ne po mbyllim klasa përqëndrimi si kampe përqëndrimi për fëmijët e vegjël. Ata që dalin nga klasat kolektive e kanë të mbyllur derën e të ardhmes që meritojnë.
Ne me buxhetin e vitit 2019 iu garantojmë fëmijëve transportin, për të gjithë fëmijët që iu janë mbyllur klasat kolektive. Mundësuam dhënien e librave falas.”
VAZHDO TË LEXOSH MË TEPËR PËR TEMËN
900 mln USD investime publike për vitin e ardhshëm
100 milionë euro për rimbursim barnash
