Këngëtarja e njohur Adele nuk ka një marrëdhënie të mirë me babain e saj biologjik, Mark Evans.
Mësohet se 55 vjeçari është një ish-i alkoolizuar dhe nuk takohet prej vitesh me vajzën e tij.
Sipas të përditshmes britanike ‘The Sun”, prindi i mohuar nga këngëtarja e njohur punon si shofer në një shoqëri transporti ku paguhet rreth 60 euro në ditë. Një diferencë e madhe në krahasim me vajzën e tij, e cila është ndër personazhet më të paguara në botë.
Adele fiton rreth 170 milionë dollarë në vit. Mark e ka braktisur Adelen në moshën 2-vjeçare bashkë me nënën e saj për shkak të problemeve me alkoolin. Disa vite më parë ai në një intervistë i kishte kërkuar falje vajzës së tij, ndërsa këngëtarja i ishte përgjigjur se nuk donte asnjë lloj marrëdhënie me të.
Një mik i Mark Evans, është shprehur se ai e di që ka gabuar rëndë me vajzën e tij por do që të rregullojë marrëdhënien me të.
“Ai do të jetë një gjysh normal dhe ka dëshirë të shëtisë me nipërit e tij. Mark nuk ka një jetë normale, e ka zemrën të copëtuar”, ka treguar ai.
Megjithatë, edhe pse babai i saj është penduar dhe prej kohësh kërkon paqe, këngëtarja duket se nuk ndryshon mendim.
VAZHDO TË LEXOSH MË TEPËR PËR TEMËN
Adele “bie nga froni”, këngëtari fiton 75 mijë paund në ditë
Jennifer Lawrence dhe Adele, lojëra me pije
