Gara për udhëheqësin e Partisë Konservatore në Britani ka filluar, pas njoftimit të Theresa May se do të japë dorëheqjen muajin e ardhshëm.
Gara jo vetëm që do të rezultojë në një lider të ri partiak, por edhe në kryeministrin e ardhshëm të Mbretërisë së Bashkuar. Anëtraët e partisë presin që një udhëheqës i ri të zgjidhet deri në fund të korrikut.
May konfirmoi të premten se do të japë dorëheqjen më 7 qershor, por do të vazhdojë si kryeministre, ndërsa zhvillohet garën e udhëheqjes.
Katër kandidatë kanë konfirmuar qëllimin e tyre për të Gruar deri tani dhe ata janë: Sekretari i Jashtëm Jeremy Hunr, Sekretari i Zhvillimit Ndërkombëtar Rory Stewart, Ish-Sekretari i Jashtëm Boris Jonson dhe Ish-sekretarja e Punës dhe e Pensioneve Esther McVey.
Megjithatë, shumë të tjerë besohet se po e shqyrtojnë seriozisht postin, duke përfshirë Sir Graham, i cili ka dhënë dorëheqjen si kryetar i Komitetit të vitit 1922.
Deputetët konservatorë kanë kohë deri në javën që fillon më 10 qershor për të shpallur kandidaturën. Në korrik të gjithë anëtarët e partisë do të votojnë për të vendosur për fituesin.
Partia konservatore kishte 124,000 anëtarë, që nga muaji mars i vitit të kaluar. Udhëheqësi i fundit i zgjedhur nga anëtarësia ishte David Cameron në vitin 2005.
Johnson tha në një konferencë ekonomike në Zvicër të premten se një lider i ri do të kishte “mundësinë për të bërë gjërat ndryshe”.
Duke theksuar edhe një here qëndrimin e tij lidhur me Brexit, ai tha: “Do të largohemi nga BE më 31 tetor, me ose pa marrëveshje”.
Duke njoftuar largimin e saj në Downing Street, Theresa May i kërkoi pasuesit të saj “të kërkojë një rrugë që respekton rezultatin e referendumit”. Ajo shtoi: “Për të patur sukses, ai ose ajo do të duhet të gjejë konsensus në Parlament. Një konsensus i tillë mund të arrihet vetëm nëse njerëzit në të gjitha anët e debatit janë të gatshëm të bëjnë kompromis”.
Nga BBC
VAZHDO TË LEXOSH MË TEPËR PËR TEMËN
Largohet Theresa May/ Kush do e zëvendësojë?
Kur mund të ‘dorëzohet’ Theresa May?
