E gjithë bota e futbollit po flet për Lionel Messin, sidomos për atë që ylli argjentinas bëri ndaj Liverpool në Champions League.
‘Pleshti’ thuajse e mposhti i vetëm ekipin e Klopp dhe padyshim ishte njeriu i ndeshjes.
Por një vlerësim të madh për argjentinasin ka shprehur edhe ish-trajneri i Real Madrid, Jose Mourinho.
Portugezi analizoi ndeshjen e parë gjysmëfinale të CHL ku theksoi se Messi ‘zbehu’ totalisht formën e mirë që shfaqi Liverpool .
“Atë që bëri Zoti i futbollit ishte absolutisht e pabesueshme. Unë mendoj se ai e ndryshoi atë ndeshje. Liverpooli ishte i guximshëm me lojën që zhvilloi.
Unë mendoj se jo shumë skuadra e mundin Barcelonën në posedimin e topit në Camp Nou. Liverpooli ishte shumë pozitiv, madje pati 3 raste të mira. Ata merituan shumë më tepër se humbja 3-0, por mund të kishte përfunduar edhe 4-0 ose 5-0 në fund”, u shpreh “The Special One” për ‘Russia Today’
VAZHDO TË LEXOSH MË TEPËR PËR TEMËN
“Grusht kundërshtarit”/ Liverpool do skualifikimin e Messit
‘Godet’ Balotelli/ ‘Ngre në qiell’ Messin dhe injoron Ronaldon
