Duket se nuk do të ketë fund për nderet që Donald Trump ka arritur të bëjë për Vladimir Putin.
Le të fillojmë me Lindjen e Mesme. Kohët e fundit, duke vendosur në tetor të tërheqë trupat amerikane nga Siria, Trump i ka dhënë Rusisë hapësirë për të mbushur boshllëkun në kombin e shkatërruar nga lufta. Ai e ka lejuar Putinin të përmirësojë më tej marrëdhëniet e tij me diktatorin sirian, Bashar al-Asad, nga njëra anë dhe presidentin turk Rexhep Tajip Erdogan nga ana tjetër. Trupat ruse janë angazhuar në patrullime të përbashkëta me forcat turke.
Turqia pushtoi veriun e Sirisë për të marrë kontrollin e rajoneve kurde dhe për të sulmuar dhe neutralizuar forcat kurde. Erdogan i kishte përshkruar ata si terroristë dhe beson se kurdët kanë kohë që sulmojnë regjimin turk. Ushtria amerikane i sheh ata si aleatë jetikë në luftën kundër ISIS, duke sakrifikuar mijëra njerëz në këtë përpjekje.
Në të njëjtën kohë, Trump ka bërë shumë pak përpjekje për të penguar “mikun e tij shumë të mirë” Erdogan nga blerja e një sistemi të avancuar raketash S-400 nga Rusia. Kjo është në kundërshtim me NATO-n.
Putin e sheh qartë NATO-n si një sfidë kryesore të aftësisë së ushtrisë së tij për të operuar lirshëm jashtë vendit.
NATO në tërësi po ndihet gjithnjë e më e fragmentuar ndërkohë që Trump largohet gjithnjë e më shumë nga aleanca dhe shkon më afër Rusisë.
Turqia nuk është aleati i vetëm amerikan që filloi një kthesë drejt Rusisë.
Trump po i siguron Putinit ndihmë dhe rehati në një komb me çështje shumë të ndjeshme, në aspektin politik, diplomatik dhe veçanërisht ushtarak, të Ukrainës, një komb strategjikisht kritik për Rusinë dhe Perëndimin.
Duke krijuar një pasiguri të madhe për marrëdhëniet SHBA-Ukrainë, Trump në të vërtetë ka dëmtuar shumë pozitën e Zelenskyt dhe ka forcuar Putinin, të paktën në ekuacionin kompleks të Ukrainës, por edhe përtej këtij këndi të Evropës gjithashtu.
Qëllimi i menjëhershëm i Putinit për të lehtësuar ose përfunduar sanksionet e shkatërruara që Shtetet e Bashkuara dhe Evropa i kanë sjellë Rusisë varet shumë nga rezultati i krizës së Ukrainës.
Të enjten, Fiona Hill, eksperte ruse dhe ukrainase, dikur në Këshillin e Sigurisë Kombëtare, i tha Komisionit të Inteligjencës së Dhomës se “qëllimi i qeverisë ruse është të dobësojë vendin tone, të zvogëlojë rolin global të Amerikës dhe të neutralizojë një kërcënim të perceptuar të SHBA për Interesat ruse. Presidenti Putin dhe shërbimet ruse të sigurisë synojnë të kundërshtojnë objektivat e politikës së jashtme të SHBA-së në Evropë, përfshirë në Ukrainë, ku Moska dëshiron të riafirmojë dominimin politik dhe ekonomik “.
Sigurisht që ka ndonjë numër vendesh të tjera ku Putini tashmë po kërkon të zgjasë shtrirjen e tij dhe me pak reagim të dukshëm nga Presidenti.
Por çështja e politikave të jashtme të Amerikës, ka rreziqe që shkojnë përtej madje ambicieve më ekspansioniste të Rusisë.
Duket se vlerat dhe aftësia e Amerikës për të mbrojtur veten po kërcënohen në mënyrë të rrezikshme. Është një trend që duhet të kundërshtohet me çdo kusht.
Përkthyer dhe përshtatur nga CNN/ konica.al
VAZHDO TË LEXOSH MË TEPËR PËR TEMËN
“Ballkanizimi” i Evropës
2019, vit edhe më i vështirë për Putinin…
A duhet ta festojë Putin fitoren e komedianit në Ukrainë?
