Gjykata Supreme e Polonisë paralajmëroi këtë javë se vendit mund t’i duhet të largohet nga Bashkimi Evropian, nëse qeveria e krahut të djathtë të vendit vazhdon me ndryshimet e saj të diskutueshme gjyqësore.
Nëse Parlamenti i miraton ndryshimet, kritikët kanë frikë se mund të sfidojnë epërsinë automatike të ligjit evropian mbi ligjin kombëtar polak. Propozimet, të cilat do të diskutohen në parlament të enjten, do të bëjnë të mundur që gjyqtarët të pushohen nga puna, nëse ata nuk bien dakord për reformat që janë marrë nën një kontroll nga opozita polake dhe mbrojtësit e demokracisë në të gjithë Evropën.
Paralajmërimi i Gjykatës Supreme i kësaj jave kundër ndryshimeve shtoi shqetësimet për pavarësinë e gjyqësorit të Polonisë, më shumë se katër vjet pasi partia e krahut të djathtë Ligji dhe Drejtësia mori pushtetin.
Që nga fitorja e saj në zgjedhjet parlamentare të vitit 2015, qeveria polake është akuzuar se po ndjek një strategji për të heshtur kritikët në të gjithë sferën publike, nga media deri tek gjykatat.
Polonia duket se po kërkon të ndjekë rrugën e një tjetër shteti anëtar, Hungari, ku gjyqësori “është pak a shumë i nënshtruar politikisht”, tha Adam Bodnar, komisioneri i pavarur i Polonisë për të drejtat e njeriut, për Washington Post. “Qeveria dëshiron të heqë çdo pengesë,” që ndërhyrjet e BE mund të paraqesin, tha ai.
Gjykata e lartë e BE vendosi muajin e kaluar se ndryshime të tjera në sistemin gjyqësor të Polonisë ishin gjithashtu kundër ligjit, duke sjellë një përgjigje të ashpër të qeverisë.
Partia në pushtet Ligji dhe Drejtësia nuk iu përgjigj një kërkese për koment të mërkurën.
Në një vlerësim gjyqësor prej 42 faqesh të propozimeve më të fundit të qeverisë polake, Gjykata Supreme e Polonisë i bëri jehonë shqetësimeve të BE në një dokument të së hënës, që qarkulloi kudo të martën dhe të mërkurën.
Ndërkohë që BE shihet me skepticizëm në pjesë të mëdha të elektoratit britanik, i cili vendosi të largohej nga BE në një referendum në vitin 2016, polakët janë ndër mbështetësit më të mëdhenj të BE.
Sipas Qendrës Kërkimore Pew, më shumë se 70 përqind e qytetarëve polakë kishin një pamje të favorshme për E.U. vitin e kaluar, krahasuar me 48 përqind në Mbretërinë e Bashkuar.
Me kalimin e kohës, kjo mund të shtojë pakënaqësitë në rritje brenda Polonisë.
Ndërsa gjykata e lartë e BE arriti të ndalojë disa nga ndryshimet gjyqësore të partisë Ligji dhe Drejtësia vitin e kaluar, kritikët e qeverisë kanë frikë se ndërhyrjet e ngjashme mund të rezultojnë joefektive këtë herë.
Për qeverinë polake, ndryshimet e propozuara së fundmi janë një projekt me rëndësi më të madhe sesa propozimet e mëparshme, tha Matczak, një analist politik. “Që ata të tërhiqen nga ky projekt do të ishte njësoj sikur Donald Trump të hiqte dorë nga murin e tij meksikan”, tha ai.
Përkthyer dhe përshtatu nga Nga The Washington Post/ konica.al
VAZHDO TË LEXOSH MË TEPËR PËR TEMËN
“Entuziazëm për një Brexit pa marrëveshje”
“Brexit mund të shtyhet”
“Rreziku më i madh për Gjermaninë është Trump dhe Brexit”
