Lajmet e fundit se Vladimir Putin, po bën plane për të qëndruar në pushtet pafundësisht, nuk na çudit.
Putini, 67 vjeç, ka drejtuar Rusinë, si president dhe kryeministër, për 21 vjet. Ashtu si Stalini, ai ka bërë shumë armiq.
Rusia nën udhëheqjen e Putinit është përfolur së tepërmi për kronizmin dhe korrupsionin, shtypjen e kundërshtarëve vendas dhe shtypjen e fjalës së lirë, dhe agresionin ushtarak dhe përçarjen jashtë vendit.
Megjithatë, duket se Putini nuk dëshiron të imitojë diktatorët në vendet e tjera, duke e bërë veten president përgjithmonë, rrugën e zgjedhur nga Xi Jinping i Kinës.
Pra, me propozimet e javës së kaluar, Putini mund të marrë postin ekryeministrit në 2024 kur të mbarojë mandati i tij presidencial.
Ose ai mund të bëhet kryetar i Këshillit të Shtetit, një organ që ai krijoi. Të dy vendet e punës mund të mbahen pafundësisht.
Putin gjithashtu ka mundësi të jetë kryetari i Dumës (parlamenti) ose drejtuesi i partisë së saj kryesore, Rusia e Bashkuar.
E gjithë kjo mund të jetë e mirë për Putinin, por është plotësisht e keqe për Rusinë.
Putin po bëhet gjithnjë e më jotolerante ndaj çdo forme të kundërshtimit aktual, qoftë në formën e organizatave të shoqërisë civile, mediat, apo aktivistë të guximshëm, të persekutuar shumë, siç është Alexi Navalny.
Në të njëjtën kohë, është e qartë që Putin ka frikë nga lloji i liberalizimit politik që mund të lehtësojë konkurrencën më të madhe ekonomike dhe investimet ndërkombëtare.
Përkundrazi, propozimet e tij të fundit kërkojnë të kufizojnë më tej ndikimin e huaj.
Putin jo vetëm që nuk pranon të largohet nga Krimeja, por ndez edhe më tepër konfliktin separatist në Lindjen e Ukrainës.
Putin është në biseda me liderin e Turqisë, Rexhep Tajip Erdogan dhe fushatën e tij kundër kurdëve pro-perëndimorë në veri-lindje të Sirisë.
Kohët e fundit, ai ka shtuar mercenarë rusë në luftën në Libi, duke mbështetur rebelët kundër qeverisë së njohur nga Kombet e Bashkuara në Tripoli.
Vladimir Putin është një njeri me shumë fytyra: patriot, populist i djathtë, manipulues cinik, dhe një luftëtar i pamëshirshëm global.
Të gjitha tregojnë që ai është armiqësor ndaj perëndimit, parimet e lirisë dhe demokracisë.
Putini është fytyra e armikut. Tani e tutje ai duhet të njihet si i tillë.
Nga The Washington Post
VAZHDO TË LEXOSH MË TEPËR PËR TEMËN
‘Detyrat’ e NATO-s tani që është 70 vjeç
“NATO po përgatitet për luftë”
“BE kërkon rrugë për kapërcimin e krizës”
