Kryetari i Mitrovicës, Agim Bahtiri deklaron se në rast se formohet një qeveri e re pa shkuarje në zgjedhje do të ketë vëllavrasje. Ai i ka bërë apel presidentit Hashim Thaçi që të ketë kujdes dhe t’i shpallë zgjedhjet.
“Qeveria e re do të bëhet kur bëhen zgjedhjet dhe sot ia tregojmë secilit vendit. Qeveri të re nuk ka prej 6 tetorit deri në zgjedhje, mos hini në një konflikt vëllavrasje sepse ne nuk e kemi ndërmend me leshu me na vjedh dikush pushtetin, qytetarët na kanë dhanë deri të na japin prapë do të jemi aty. Unë po i frikësohem asaj sepse populli është shumë i revoltuar. I bëj thirrje presidentit që të ketë kujdes në këtë drejtim dhe ti shpallë zgjedhjet..”, ka thënë Bahtiri, shkruan Telegrafi.
I pari i Mitrovicës tutje ka thënë se në zgjedhjet e ardhshme Lëvizja Vetëvendosje do të ketë në Kuvend 46 deputetë. Ai ka folur edhe për çështjen e pandemisë së coronavirusit,ku ka theksuar se deri më tani në Mitrovicë nuk ka asnjë të dyshuar me këtë virus. Bahtiri ka falënderuar qytetarët që po respektojnë masat e ndërmarra.
VAZHDO TË LEXOSH MË TEPËR PËR TEMËN
Kosova mes koronavirusit dhe krizës qeveritare
Deputetja e VV’së përjashton koalicionet me të gjitha partitë
