Një javë para se të zëvendësohej si ushtrues i detyrës së shefit të shtabit të Shtëpisë së Bardhë, Mick Mulvaney tha që media po bënte pa fund lajme lidhur me koronavirusin sepse “ata mendojnë se kjo do të rrëzojë presidentin”.
Në të njëjtën ditë, Presidenti Trump akuzoi Demokratët se “politizuan koronavirusin”, duke e përshkruar atë si “mashtrim të ri të tyre”.
Ndërsa Maia Majumder në Shkollën Mjekësore të Harvardit tha se kriza e koronavirusit është në thelb politike sepse “prioritetet e një administrate mund të ndikojnë absolutisht në trajektoren e një pandemie”. Është politike sepse çdo qeveri matet dhe duhet të matet nga aftësia e saj për të mbrojtur sa më mirë qytetarët e saj nga kërcënime të tilla.
Për çdo udhëheqës kombëtar, kjo është puna e tyre: të mbrosh publikun.
Të ankohesh për politizim, siç kanë bërë Trump dhe përkrahësit e tij, do të thotë që presidenti dëshiron të jetë mbi njerëzit, mirëqenien e të cilëve ai është betuar të mbrojë.
Udhëheqja presidenciale kërkon ta lësh mënjanë egon, të kërkosh këshilla ekspertësh dhe të miratosh një politikë efektive.
Në një krizë të shëndetit publik, nënkupton marrjen e vendimeve për jetën a vdekje. Kërkon vetëmohim dhe një dorë të fortë, asnjërën prej të cilave nuk posedon Trump.
Shkencëtarët dhe ekspertët e qeverisë nuk mund të trajtojnë vetëm këtë problem. Publiku vazhdimisht e keqkupton këtë, sepse qytetarët e zakonshëm shpesh i mendojnë politikëbërësit dhe ekspertët si të njëjtin grup.
Por ndërsa një epidemiolog mund t’ju tregojë se si përhapet një virus, janë politikëbërësit dhe stafi i tyre që punojnë për ta shndërruar gjithë atë shkencë në udhëzime, para dhe kërkesa për institucionet qeveritare.
Unë sigurisht jam i shqetësuar: Unë jam gati 60 vjeç dhe kam frikë nga gripi i zakonshëm, e aq më tepër koronavirusi i romanit. Vajza ime është nxënëse në një shkollë publike. Vjehrrit e mi të dashur janë të moshuar. Ne të gjithë presim shumë nga një qeveri që vepron me ndershmëri.
Si komb, ne kërkojmë një kalibër udhëheqjeje që Trump thjesht nuk e ka. Dhe nëse theksimi i kësaj çështjeje është politizim, atëherë le të jetë kështu.
Përkthyer dhe përshtatur nga The Washington Post/ konica.al
VAZHDO TË LEXOSH MË TEPËR PËR TEMËN
As Amerika nuk ishte e përgatitur për koronavirusin…
Amerikën e paralajmëruan dhe ajo sërish nuk u përgatit…
