Afganistani mund të mos jetë pjesë e Lindjes së Mesme, por fati i tij gjeopolitik ka qenë prej dekadash i lidhur pazgjidhshmërisht me atë të rajonit pranë.
Në vitin 2001, rënia e talebanëve ishte arritja e parë e madhe në të ashtuquajturën “luftë kundër terrorit” të Amerikës që transformoi përfundimisht si vendin ashtu edhe Lindjen e Mesme. “Njëzet vjet më vonë, rikthimi i grupit në pushtet në Kabul e ka futur rajonin, ende duke vuajtur nga dëmtimet e papërshkrueshme të asaj lufte, në ujëra të panjohura” shkruan CNN.
“Nëse pushtimi amerikan i Afganistanit nxiti ndërhyrjen e shtuar amerikane në Lindjen e Mesme, atëherë dalja e tij nga vendi gjithashtu sinjalizon një tërheqje të përshpejtuar nga një rajon që ka shërbyer prej kohësh si një qendër gravitacionale e tensionit politik” vijon më tej artikulli.
Skenat dramatike nga Afganistani kanë lëshuar kambanat e alarmit në të gjithë Lindjen e Mesme, duke ngritur skenarin e një prishjeje të nxituar të një rendi ekonomik dhe politik.
Një valë e aktiviteteve diplomatike dhe ushtarake i parapriu tërheqjes nga Afganistani. Një vit më parë, një valë marrëveshjesh normalizimi midis disa vendeve arabe dhe Izraelit e shtynë Presidentin e atëhershëm Donald Trump të thoshte “Ne nuk kemi pse të jemi më atje“.
Presidenti Joe Biden ka vazhduar atë rrugë. Të martën, Presidenti amerikan mbrojti fuqishëm tërheqjen dhe skenat e fundit kaotike në Kabul, duke shtuar se epoka e pushtimit të vendeve me synimet për të instaluar vlerat amerikane nuk ishte më e zbatueshme. Ai argumentoi se SHBA sinjalizoi “përfundimin e një epoke të operacioneve të mëdha ushtarake për të rindërtuar vendet e tjera“. Shtetet do të duhet të kujdesen për veten e tyre. Për Lindjen e Mesme, kjo ndryshon gjithçka.
“Tërheqja e nxituar e SHBA nga Afganistani, kthimi i fortë i talebanëve në kryeqytetin afgan dhe përshkallëzimi i kërcënimit iranian tregon se ekuacioni i sigurisë së Gjirit do të jetë shumë i ndryshëm këtë shekull në krahasim me të kaluarën” shkroi analisti politik i Emirateve të Bashkuara Arabe Abdulkhaleq Abdulla në një artikull për gazetën “The National”.
“Gjiri është në prag të transformimeve të mëdha të sigurisë dhe ushtrisë, ndoshta më i madhi që nga viti 1971, kur SHBA mori përgjegjësinë për sigurinë dhe e ktheu atë në “Amerikan” në një kuptim strategjik” shkroi ai duke vijuar “Mund të mos jetë njësoj gjatë pesë dekadave të ardhshme” tha ai.
VAZHDO TË LEXOSH MË TEPËR PËR TEMËN
“Si talebanët në Afganistan”/ Rama: Opozita nuk pranonte dot humbjen!
A do ta marrë Turqia aeroportin e Kabulit?
