“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Çfarë do të ndodhte me ne nëse nuk do të kishim baktere në trupin tonë?
Mjeku: Mjafton vetëm mendimi i triliona baktereve në të gjithë lëkurën dhe brenda trupit tuaj për t’ju bërë të dridhura apo jo?
“Por për aq sa njerëzit nuk mund të jetojnë pa karbon, azot, mbrojtje nga sëmundjet apo aftësinë për të tretur ushqimin e tyre, ata nuk mund të jetojnë pa baktere”, thotë Anne Maczulak, një mikrobiologe e njohur.
Bakteret–një fjalë që shpesh krijon një ndjenjë shqetësimi tek shumica prej nesh, por në fakt, është një nga format e para të jetës. Mund të jetë mjaft alarmante të dimë se ka baktere në të gjithë lëkurën, flokët dhe madje edhe brenda trupit tonë, por vetëm disa lloje bakteresh janë të rrezikshme. Shumica e baktereve janë të mira dhe pa to, jeta në tokë nuk do të ishte e mundur.
Ato ndihmojnë sistemin tonë të tretjes: Bakteret ofrojnë përfitime të shumta për trupin e njeriut. Në sistemin e tretjes, ato ndihmojnë në zbërthimin e ushqimeve si bimët dhe fibrat që ne nuk mund t’i tresim vetë. Lactobacillus ndihmon në zbërthimin e sheqerit për shembull.
Vitaminat: Sipas Anne Maczulak, bakteret në sistemin tonë të tretjes na sigurojnë vitamina thelbësore si biotina dhe vitamina K dhe janë burimi ynë kryesor i disa prej këtyre lëndëve ushqyese.
Ata largojnë bakteret e dëmshme: Shumë baktere që jetojnë brenda gojës, fytit, hundës dhe zorrëve tona nuk lejojnë që mikroorganizmat e tjerë të dëmshëm të jetojnë brenda ose në trupin e njeriut. Bakteret në zorrë punojnë me sistemin imunitar për të mbrojtur trupin nga sëmundje të ndryshme.
Ata mbrojnë lëkurën tonë: Pjesa më e madhe e baktereve në lëkurën tonë janë atje për të parandaluar bakteret e tjera të dëmshme që të krijojnë baza.
Ato forcojnë sistemin tonë imunitar: Ekspozimi ndaj baktereve është treguar që nga kohërat e lashta të jetë një pjesë e rëndësishme e zhvillimit të sistemit tonë imunitar. Bakteret dihet se forcojnë sistemin imunitar për të luftuar viruset e dëmshme më vonë në jetë.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
‘Bakteret e mira’ mund të luftojnë infeksionin gjinekologjik
