Pas tre vjet tensionesh të rrezikshme dhe të panevojshme me Iranin, Donald Trump shkaktoi një krizë që gati filloi një luftë me Iranin, dhe ende mund ta fillojë një të tillë.
Ndërsa hyjmë në vitin e katërt të presidencës së Trump, është më e nevojshme se kurrë të kujtojmë veten çdo ditë se kjo nuk është aspak normale.
Lista e veprimeve të dëshpëruara të Trump është e gjatë, që nga politika që ndan fëmijët migrantë nga prindërit e tyre dhe mbajtja e tyre në burgje, deri tek thirrja e presidentit që kritikët e tij të hetohen ose të burgosen.
Politika e jashtme e Trumpit në 2017 dhe 2018 ishte tronditëse, përfshirë lavdërimet për diktatorët Vladimir Putin, Xi Jinping dhe Kim Jong-un.
Në vitin 2019, populli amerikan mësoi gjithashtu se përpjekjet e Trump për të marrë ndihmë të huaj për interesat e tij politike shtrihen përtej Rusisë. Përveç Ukrainës, Trump gjithashtu i kërkoi Kinës që të ndihmojë të njollosë rivalin e tij politik.
Në vitin 2019, Trump gjithashtu u përpoq të mos e pyeste fare Kongresin për të financuar murin e tij kufitar, duke marrë para nga ushtria dhe duke dërguar trupat amerikane në kufi.
Në vitin 2019, administrata e Trump filloi zyrtarisht procesin për të hequr SHBA nga marrëveshja e klimës në Paris.
Kjo nuk është normale. Një nga përparësitë kryesore të presidentit duhet të merret me kërcënimin ekzistencial të ndryshimit të klimës, dhe të miratojë politika që nuk do ta përkeqësojnë situatën.
Në vitin 2019, si në Afganistan, ashtu edhe në Siri, ndërhyrjet nga Trump shkatërruan përparimin, dhe dëmtuan sigurinë kombëtare.
Dhe ndërsa pothuajse duket si shaka, në vitin 2019 presidenti i Shteteve të Bashkuara anuloi një udhëtim për të vizituar Danimarkën, sepse vendi nuk pranoi t pranoi të shiste Groenlandën.
Trump gjithashtu vazhdoi të sulmojë njerëzit për shkak të racës, përkatësisë etnike dhe fesë. Lista vazhdon.
Asnjë nga këto nuk është normale.
Trump shpreson që veprimet e tij ofenduese dhe të rrezikshme normalizohen nga forca dhe vëllimi i plotë i tyre.
Ai, në tre vitet e tij të detyrës ka bërë më shumë se 15,000 pretendime false ose mashtruese, sipas Washington Post.
Kjo nuk duhet të jetë normale, por për fat të keq Amerika tashmë ka filluar ta shikojë situatën ashtu si është.
Ne mund të mos jemi në gjendje t’i kushtojmë vëmendje secilit prej veprimeve të neveritshme të Trump. Por ne nuk mund të lejojmë që ata të shihen si normalë.
Michael H Fuchs, The Washington Post
Përkthyer dhe përshtatur nga The Washington Post/ konica.al
VAZHDO TË LEXOSH MË TEPËR PËR TEMËN
‘Arti i marrëveshjes’ e shpëtoi Amerikën…
‘Beteja’ me Trump/ Fillim aspak i mbarë për demokratët
