Koronavirusi nuk është më vetëm një krizë e shëndetit publik që shpejt mund të shndërrohet në një krizë të shpejtë. Është një krizë transparence. Është një krizë e legjitimitetit të qeverisë. Pra, është në momentin që të gjithë duhet të themi: mjaft.
Presidenti Trump, është i përqendruar tek “fshehja” e lajmeve të këqija. Kjo është ajo që bëjnë autokratët. Dhe po rrezikon jetën e të gjithëve.
Të shtunën, Associated Press raportoi se Trump “heshti” zyrtarët e shëndetit, të cilët donin të paralajmëronin amerikanët e moshuar kundër fluturimit në linjat ajrore tregtare.
Në një konferencë shtypi të premten, Trump u tha gazetarëve se testet për koronavirusin tani ishin në dispozicion për këdo që kishte nevojë. Megjithatë, pas kësaj, nga guvernatori dëgjuam se kjo është kategorikisht e pavërtetë.
Ajo konferencë për shtyp ishte, për mua, momenti më i frikshëm i presidencës së Trump. Narcisizmi i tij, gënjeshtrat e tij, hakmarrja, dhe pamundësia për të kuptuar shkencën, e gjithë kjo eklipsoi përgjegjësitë e tij.
Për shkak se ne po testojmë vetëm më të sëmurët e të sëmurëve, shkalla e vdekshmërisë amerikane nga koronavirusi është afërsisht 4 përqind. Është një numër i frikshëm, madje edhe më i lartë se ai i Kinës.
Ne jemi duke u përballur me një krizë të heshtur, të padukshme dhe potencialisht shkatërruese të shëndetit publik, dhe qeveria po refuzon të tregojë faktet, apo cilat hapa të ardhshëm do të ndërmarrë.
Megjithatë Trump tha të premten në mëngjes, “Unë mendoj se jemi në gjendje të shkëlqyer”.
Dallimi është se, pikërisht sepse ne jetojmë në një epokë të rrjeteve sociale, publiku është akoma duke marrë informacion në internet. Por si me të gjitha informacionet në internet, disa prej tyre janë të tmerrshme, si dhe të mira.
Shikoni Italinë. Qeveria mbylli një rajon të tërë të vendit këtë fundjavë. Corriere Della Sera kohët e fundit raportoi se njësitë e kujdesit intensiv në Lombardi ishin në prag të kolapsit, me punëtorët mjekësorë që vendosnin shtretër në korridore. Nëse nuk jemi të kujdesshëm, atëherë mund të jemi dhe ne ashtu.
Dy ditë më parë, revista mjekësore britanike The Lancet pak a shumë nënkuptoi se shumë vende nuk do të jenë në gjendje të kenë edhe njerëz të shëndetshëm dhe një ekonomi të shëndetshme në këtë moment. Ata do të duhet të zgjedhin.
Ajo që është kaq e frikshme, aq edhe e turpshme, është që presidenti ynë është më pak i afti për të bërë pikërisht këtë. Kjo krizë e ka demaskuar atë. Ai është i paaftë për të udhëhequr. Kur bëhet fjalë për Trump, e vërteta, vendosmëria dhe vetëkontrolli kanë qenë në karantinë që nga fillimi.
Jennifer Senior ka qenë një kolumniste e Op-Ed që nga shtatori i vitit 2018. Ajo kishte qenë një kritike e përditshme e librave për The Times; para kësaj, ajo kaloi shumë vite si një shkruese e stafit për revistën New York.
Përkthyer dhe përshtatur nga The New York Times/ konica.al
VAZHDO TË LEXOSH MË TEPËR PËR TEMËN
“Koronavirus do të ndihmojë ekonominë e SHBA”
“Media bën panik për të dëmtuar Trumpin”
“Me apo pa koronavirus, Kina do tejkalojë SHBA”
