Shumë pak yje të futbollit botëror kanë arritur të shkëlqejnë edhe si trajnerë. Megjithatë, aktualisht janë disa, dhe për ironi të fatit, drejtojnë ish-ekipet ku shkëlqyen.
I fundit që ikona e futbollit botëror që mori drejtimin e ekipit që luajti ishte Andrea Pirlo, i cili tashmë do të udhëheqë bardhezinjtë në një mision akoma më të vështirë: fitimin e titullit të dhjetë radhazi dhe Champions League.
Por më i suksesshmi i kësaj “bande” trajnerësh është Zinedine Zidane. Kampioni i botës me Francën, fitoi titullin dhe Champions League me Real Madrid, përpos trofeve të tjerë, ndërsa si trajner mori 4 Champions dhe 1 titull me Los Blancos.
Nuk mbetet prapa Diego Simeone, që pasi shkëlqeu tek Atletico Madrid në fundin e viteve ‘90, e mori këtë skuadër në vitin 2011 dhe i dha 3 Europa League, por edhe shkoi dy herë në finale të Champions League.
Të tjerët janë pak më të suksesshëm, edhe për faktin se kanë më pak në drejtimin e skuadrave të tyre. Në Angli janë tre legjenda që drejtojnë ish-ekipet e tyre: Solskjaer te Manchester United, Lampard te Chelsea dhe Mikel Arteta tek Arsenal, me këtë të fundit që fitoi trofeun më shpejt se cdo trajner tjetër në 5 ligat kryesore europiane.
Pas Pirlos, në Itali flamurin e mban Simone Inzaghi, që e futi këtë sezon Lazion në Champions, plus që i ka dhënë 1 kupë dhe 1 Superkupë bardhekaltërve. Në Gjermani është Hansi Flick ai që drejton ish-ekipin e tij, Bayern Munchen. Nëpër botë ka edhe shumë të tjerë, por sollëm vetëm teknikët që drejtojnë në 5 ligat kryesore europiane.
VAZHDO TË LEXOSH MË TEPËR PËR TEMËN
Trajneri që fitoi trofeun e parë më shpejt
10 çiftet e shënuesve më të mirë në 5 ligat kryesore
Lojtarët që humbën më shumë penallti në shek.XXI
