Erenik Beqiri shkeli tapetin e kuq në Kanë, si pjejsë e filmit “Furgoni”. Ndërsa ishte në garë, iu desh të kalonte plot 4 240 realizime, për të qenë pjesë e 11 filmave të përzgjedhur – fimat më të realizuar në kategorinë “short”, me metrazh të shkurtër. “Furgoni” e klasifikoi kështu Shqipërinë, paralel me kinemanë e të tjera vendeve, si: Argjentina, Franca, Finlanda, Greqia, Izraeli, Ukraina dhe Suedia.
“The van” vjen si produksion i përbashkët mes Shqipërisë dhe Francës, me protagonist aktorin nga Kosova, Arben Bajraktaraj.
Artistët janë shprehur, se e kanë pritur këtë shpërblim, pas një pune të madhe gjatë xhirimeve për realizimin.
Prodhimi shqiptaro-francez ka në qendër një djalë rreth të njëzetave, i cili ka si qëllim të emigrojë jashtë vendit. Me idenë për të fituar sa më shpejt lekët që i nevojiteshin, ai pranon të bëhet palë e disa konflikteve me përplasje që zhvillohen brenda në një furgon.
Furgoni ka dy rregulla të thjeshta: dyert mbyllen dhe furgoni niset për në rrugën e zakonshme, duke u kthyer sërish në pikën e nisjes. Kur dyert hapen, prej aty mund të dalë vetëm një fitues.
Filmat do të vlerësohen për “Palmën e Artë”, nga juria e përbërë nga 9 anëtarë, me president regjisorin Alejadro Gonzales, i përmendur së fundmi, sidomos për filmin “Birdman”.
Festivali i Kanës po zhvillohet në qiell të hapur, “yjet nën yje”, në një kinema në plazh. Festivali, shumë i rëndësishëm, ka bërë bashkë emrat më të rëndësishëm të kinemasë botërore, si pararendës i prodhimeve kinematografike që iu presin çmimet “Oscar”./Konica.al
Nga: Hera Lera
VAZHDO TË LEXOSH MË TEPËR PËR TEMËN
“Palma e artë” mitit të kinemasë franceze
Një film nga Quentin Tarantino në festivalin e Kanës
’97-ta shqiptare vjen nga Spanja
